Өлең, жыр, ақындар

Солай

  • Bain
  • 24.04.2015
  • 1
  • 3
  • 17531
Бұдан бөлек қай жерден ем таба алам
Тіптен менің кеткім жоқ емханадан
Көре-көре жалыққам мен қаладан,
Жүре-жүре шаршағам кең даладан
Туыс, жолдас, дос, құрдас - бәрі бөтен,
Жанашырым - Анам мен жарым екен.
Ауыратын жүрек те, бауыр да емес,
Қызылала қан болған жаным екен.
Емханадан кеткім жоқ, қайда барам?!
Бәрі де жат, бірі жоқ аймалаған.
Отанымның caп берген ордасын мен,
Жұмыс орным деймін де, пайдаланам.
Тегін төсек жатқаным, тегін тағам,
Дәрігер де, дәрі де тегін маған.
Тегін жарық, буфетім - жұмыс орным,
Мен осында қаламын, ебін табам...
Ұмытамын кім қандай Жүз екенін,
Мен осында өзімді күзетемін...
Қайырымды қарындасқа көмекші боп,
Сырқаттарды түн бойы күзетемін.
Қайда барам, мен мынау сұрымменен,
Мен ақынмын!
Жырыммен, құнымменен!
Күні бойы аралап бөлмелерді,
Сырқаттарды емдеймін жырымменен.
Солай!!!



Пікірлер (3)

Ақмарал

Өте керемет

Жанайым

Мұқағали Мақатаевтың Солай өлеңі ұнады

Айзере

Оте керемет.

Пікір қалдырыңыз

1941 жыл. Ақпан.

  • 1
  • 16

1941 жыл ақпандатқан,
Сыртта аяз.
Аулымызды ақ қар жапқан.
Үңірейген үрей тұр соғыс дейтін,

Толық

Аулақ, аулақ

  • 1
  • 5

Аулақ, аулақ,
Аулақ менің жанымнан!
Қара уайым қара шәлі жамылған.
Жазбын әлі гүлім жаңа жарылған,

Толық

Бетховен

  • 0
  • 1

Сәнімен емес,
Әнімен оған қымбатты,
Қырық мың ғалам,
Қырық мың түрлі үн қатты.

Толық

Қарап көріңіз