Өлең, жыр, ақындар

Солдат арманы

  • Bain
  • 24.04.2015
  • 1
  • 2
  • 20445
Тіршілік тұтқасы - күн сөнер
Дегенге айтындар, кім сенер?
Әлемде тыныштық тұрса егер
Біздерміз өмірге нұр себер!
Қайырмасы:
Қолдарға...
Қолдарға ту ұстап біз өтсек,
Өмірдің бақшасын күзетсек.
Сойқанды соғыс - өрт, кіл апат,
Ол - қайғы, ол - үрей, алапат.
Бейбіт күн береке баршаға
Тыныштық, тыныштық - бір рақат!
Қайырмасы:
Әлемде...
Әлемде бейбіт күн сөнбесін
Тыныштық дүниені тербесін.
Кең дала, көк өзен армысың!
Армысың, Алатау, қарлы шың!
Осы алып кеудеңде мәңгілік,
Тыныштық сәбидей қалғысын!
Қайырмасы:
Тамсанып...
Тамсанып көркіне жер-көктің,
Сезінем иісін жөргектің.
Сұм соғыс - қанды ажал, cop, қайғы,
Ажалдың дегені болмайды!
Әкелер баласын қорғайды,
Әлемде тыныштық орнайды!
Қайырмасы:
Әке боп...
Әке боп, өмірде ер жетсек,
Бөпенің бесігін тербетсек!



Пікірлер (2)

Динара

Ұнамады

Фариза

Мұқағали Мақатаевтың Солдат арманы өлеңі керемет!

Пікір қалдырыңыз

Көшеде

  • 2
  • 13

Мен жолымды берейін, өт қарағым,
Несін күттің, несіне көп қарадың?
Анасының бергенін саған берген,
Аруағынан айналдым текті Ананың!

Толық

Жарық дүние-ай!

  • 2
  • 8

Жарық дүние-ай!
Жарығың неткен жақсы еді?
Жаңылыспаспын,жарым деп айтсам нақ сені.
Құшаққа сыйсаң,құшырым қанып,өбер ем,

Толық

Бір ән бар бүгінгі ұрпақ естімеген

  • 1
  • 3

Бір ән бар бүгінгі ұрпақ естімеген,
(Сонау бір соғыс жылы естіген ем)
Әредік, елдеқалай есіме алсам,
Қос басы, қою қара кешті көрем.

Толық

Қарап көріңіз