Өлең, жыр, ақындар

Шақпақ тас

  • 22.05.2019
  • 0
  • 0
  • 2034
Инженер, дос сыйлаған
Жез аралас шақпақ тас.
Серіктейсің сен маған
Жанымнан от жоқтатпас.
Жалғыз түйір қалпыңмен
Болдың неткен аяулы-ақ!
Туған жердің салты мен
Қасиетін баяндап.
Жалт-жұлт етіп қарайсың
Талай сурет көзге әкеп!
Сыбырлайсың талай сыр
Көңілімді қозғар — көп.
Қара қазан Қарсақпай,
Жезқазғанның көлемін —
Сенің осы кішкентай
Кескініңнен көремін.
Абзал достар еңбегі,
Әзілі мен күлкісі,
Өздері өскен жердегі
Жарқын жолы, түр-түсі, —
Бәрі кезге түсетін
Асыл сәуле шыныдай,
Туған жердің бір шөкім
Сүп-сүйкімді сынығы-ай!
Инженер дос сыйлаған
Жез бунақты шақпақ тас,
Серіктейсің сен маған
Серілерді жоқтатпас!



Пікірлер (0)

Пікір қалдырыңыз

Кішілік туралы баллада

  • 0
  • 0

Секілді өлең-жырдың әулиесі,
Тебіренген теңіз болып жан-жүйесі,
Маңдайы жырта қарыс секілді бір
Ақылдың ақ шалқары, ой дүниесі,

Толық

Таразы ақын

  • 0
  • 0

Аралда жолықтым бір аушы қартқа,
Теңіздің жағасында, күн шуақта,
Отырып судыраған құм үстінде,
Айдын да аласұрмас тыныш уақта.

Толық

Орақ

  • 0
  • 0

Қайың да сапты қаракөк
Болаттан соққан Орақ ед.
Менің момын әкемнің
Бар қаруы сол-ақ ед.

Толық

Қарап көріңіз