Өлең, жыр, ақындар

Қостанаймен сөйлесу

  • 23.05.2019
  • 0
  • 0
  • 1698
Мен бір талың жайқалған даландағы,
Қайда жүрсе, сен үшін алаң жаны.
Қойым көп деп мақтанбай, ойым көп, — деп
Сен туралы тебіреніп қалам-дағы.
Алан жаным, болады жаным алаң,
Жүрек атты семсерді жанып алам.
Қолда барға шүкірлік деген рас,
Жалынамын, қолдай жүр, жаным анам!
Отаны едің орнықты сан сабаздың,
Жан түкпірін сен үшін қанша қаздым!
Ақсақалым, әулетім, қабыл ал сен,
Таңнан тұрып өзіңе сәлем жаздым.
Алыстағы бір уыс топырағым — деп,
Ата болып, ақ тілеп отырамын — деп,
Тілсіз айтқан бұйрығын маған жетер
Керек болған күнінде шақырамын, — деп.
Бәрінен де сен күшті ана - батыр,
Саған айтар мұң менен нала жатыр,
Шашы ағарып, шаршауға жолдас болып,
Ғафуың да қартайып бара жатыр.
Кешір мені, кеш, Тобыл, Қостанайым,
Батқан жоқ көктен күнім, бастан айым,
Қайдасыңдар, келіңдер, қайран достар,
Қайдасыңдар кең пейіл жақсы, ағайын!
Адам сәби — туған жер құшағында,
Тайрандадым ботаға ұқсадым да,
Кешір мені, қаз омырау қарындастар,
Көңіл босап, сағынған бұл шағымда!
Дедім-дағы: «еңіреп бас салайын!
Дедім-дағы: қой болмас — ұстанайын!»-
Сол арпалыс жандағы не — дейсің сен?-
Сүйемін ғой, мен сені, Қостанайым!



Пікірлер (0)

Пікір қалдырыңыз

Қос институт

  • 0
  • 0

Қарт ҚазПИ, мен айналдым есіміңнен
Сонау бір алыс қалған ескі күннен,
Мынау бір кешіп тұрған сәтке дейін
Еркелеп еніп келем есігіңнен.

Толық

Қойшы түні

  • 0
  • 0

Жазғы түн. Жұлдызы көп жыпырлаған...
Күндізгі тұяқтар жоқ тыпырлаған.
Сөреге жайып қойған құрттардай-ақ,
Қой жатыр, түн аузынан тың-тыңдаған.

Толық

Тыңға сапар

  • 0
  • 0

Білемін, жүгім ауыр бүгін менің,
Уақыт, енді өзіңсің - жүгінгенім,
Көңлімде кеше ғана секілді еді
Желбіреп жалаң көйлек жүгіргенім.

Толық

Қарап көріңіз

Басқа да жазбалар