Өлең, жыр, ақындар

Сапарғали Бегалин

  • 23.05.2019
  • 0
  • 0
  • 1659
Сапеке!
Сапарғали, атың Сапар,
Жылдарды бастан кештің сексен қатар.
Өзіндей болсын мықты бір жолаушы,
Тірліктің аспай-саспай дәмін татар.
Халқымның әрі атайы, әрі ағайы,
Тұрмыстың әрі кедей, әрі байы,
Бойынан бұтақ өрбіп,
жапырақ шашқан
Семейдің сексен бунақ қарағайы.
Жыр жазып жатыр қазақ атыңа арнап,
Өмірдің алдын болжап, артын барлап,
Бақытты балықтай-ақ аулап өстің
Ертіске түскен жайнап алтын қармақ.
Болады кемшілігің, олқың қалай,
Жүзінде ойнап отыр толқын арай.
Серкелік, еркелікпен жетіп келдің
Сексенге селкілдемей, солқылдамай.
Әлді әкем, күшті жолдас, мықты досым,
Талай топ, шаңырағымнан шықты қосын,
Солардың нар басындай, ақсақалым,
Сексенің дәл бүгінгі құтты болсын!
Сен — аспан, алдың — сәуле, артық ашық,
Иықтан кемпірқосақ жатсын асып,
Ғабең мен Ғабекендей інілерің
Тойыңда табақ тартсын шапқыласып.
Көп жаса, байсал ақыл, балуаным,
Өз жаным, өз жүрегім, өзім қаным —
Сексеннің сексеуілдей шоғы — деп біл
Азырақ өлең жазып, қызынғаным!



Пікірлер (0)

Пікір қалдырыңыз

Әнші

  • 0
  • 0

Құстай ғана денесі бар,
Гүлдей ғана ерні бар,
Құдіреттен дәмесі бар,
Пайғамбардан көңілі бар.

Толық

Ұлұғбек

  • 0
  • 0

Тастап тақыт, Темір берген билікті,
Жорық кешпей, жүгендемей жүйрікті,
Соғыс шаңын кірпігінен тазартып,
Ол жұлдыздар әлеміне шүйлікті.

Толық

Қойшы түні

  • 0
  • 0

Жазғы түн. Жұлдызы көп жыпырлаған...
Күндізгі тұяқтар жоқ тыпырлаған.
Сөреге жайып қойған құрттардай-ақ,
Қой жатыр, түн аузынан тың-тыңдаған.

Толық

Қарап көріңіз