Өлең, жыр, ақындар

Отан

  • 23.05.2019
  • 0
  • 1
  • 3253
Сүйем деп өтті жазып қаншама ақын,
Өмірдің саған арнап әр сағатын.
Қайтса да ұзақ жырдың сапарынан
Өзіңе ойы оралып бір соғатын.
Мен соның айтпасам да бірі едім — деп,
Өзің деп, өлеңдетіп жүр едім — деп,
Анасын үнсіз сүйген жас сәбидей,
Тұрады көңіл сөйлеп, жүрек үндеп.
Кемітсе: қанаты оның қатпаған — деп,
Сол күйде ол да өзінше айтпақ ән! — деп.
Сен барсың болысатын дереу келіп:
«Кім өзі, ол қай надан? Айт маған! — деп.
Сол үшін, сол қамқорлық сөзің үшін,
Сол асыл, қасиетті сезім үшін,
Қаншалық борышты едім мен өзіңе,
Жүреді ойым тоқып, сезіп ішім!
Кеудемде жырларым бар қол қоймаған,
Мен сүйем, елін сүймес болмайды адам.
Сен сүйсең, сен сүйетін мінез тапсам
Жалғанда жақсы бақыт сол ғой маған!



Пікірлер (1)

Айя

Өте әсерлі керемет

Пікір қалдырыңыз

Сөз сенікі, Франция

  • 0
  • 0

Франция — коммунарлар Отаны,
Таусылмаса құшағыңнан от әлі,
Ал қабылдап Лениннің інісін,
Барды саған ұлы Маркс ұрпағы.

Толық

Қолыңды бер, Қостанай

  • 0
  • 0

Қайда жүрсем сені есімнен тастамай,
Өтіп кетті жақсы жыл мен жас талай.
Менің атым сағыныш боп өзгерді
Сағынышқа қолыңды бер, Қостанай!

Толық

Қыстағы күннің қызығы-ай

  • 0
  • 0

Қыстағы күннің қызығы-ай,
Жалғасып ұзақ ақ таңға,
Тұрады көкте жүзіп Ай
Күн шығып келе жатқанда.

Толық

Қарап көріңіз