Өлең, жыр, ақындар

Алтын күрек

  • 23.05.2019
  • 0
  • 0
  • 3348
«Алтын күрек» — жел аты
«Жүрек» таудан соғатын,
Ырыс — дейді — қанатын
Дән сорғалап таматын.
«Қызыл қырман үстінде
Алтын күрек ескенде,
Қалмас елдің ішінде
Ризықсыз еш пенде!
Дихан ата «күрегі» ол
Мәңгі бақи сынбаған.
Дихан ата «жүрегі» ол
Ел сүюден тынбаған!»
«Алтын күрек» — жел аты
«Жүрек» таудан соғатын.
Осы аңызды ел айтып,
Кім шығарса, сол ақын!


Пікірлер (0)

Пікір қалдырыңыз

Ат екен бір аспаншыл

  • 0
  • 0

Ат екен бір аспаншыл
Құспен, сірә, аталас.
Асқар таудан аспанша
Құмары әсте тарқамас.

Толық

Ұста

  • 0
  • 0

Алтайдың асылдарын соққан ұста,
Алмаған екі көзін оттан ұста,
Төс темір, қара көрік, батпан балға —
Аузымен қызыл жалын қапқан ұста.

Толық

Майшы бала

  • 1
  • 0

— Неткен қайсар өзің де,
Бір өлермен баласың!
Сарша тамыз кезінде
Қайда тартып барасың?!

Толық