Темірхан Медетбек

Қарлығаш құс

Бұл бетте «Қарлығаш құс» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

23.06.2022
0
0
1216

Қарлығашым-ау,
Құстардың iшiндегi
Құйтақандай
Қанатты қарындасым-ау.
Ауада жалт-жұлт етiп,
Мың құбылып ұшып,
Көзге көрiнбейтiн жiптердi
Бiрде байлап,
Бiрде шешiп жүргендейсiң;
Қанатты қайшы құсап
Көзге көрiнбейтiн маталарды
Бiрде пiшiп
Бiрде кесiп жүргендейсiң...
Қанатыңның сусылы
Менiң көңiлiмнiң
Желпiнiп, елiккенiндей...
Ұяңа қаланып жатқан
Саз-балшықтың әр түйiрi
Өлеңнiң әрiптерiндей...
Бiр тынбайтын,
Қарлығашым-ау,
Құстардың iшiндегi,
Құйтақандай
Қанатты қарындасым-ау!

Темірхан Медетбек қарлығаш құс Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар