Өлең, жыр, ақындар

Тоқта, ботам

  • Bain
  • 25.04.2015
  • 2
  • 7
  • 69583
Тоқта, ботам!
Атаң келеді артыңда!
Бұр мойныңды қалжыраған қарт ұлға.
Сенің сәби сәттеріңнің мысқалын
Айырбастап ала алмай жүр алтынға.
Тоқта, ботам!
Атаң келеді артыңда!
Жүзе жүріп, жүз құбылған сағымда,
Жастық дейтін көктеменің шағында,
Өскен едік сенің анаң екеуміз
Осы қарттың мәпелеген бағында.
Қарттың бағын жайлайтынбыз иен тегін,
Тыңдайтынбыз алуан-алуан ертегін.
Жинап алып жүрер еді жарықтық
Күллі ауылдың елтеңі мен селтеңін.
Ей, болашақ!
Қарт келеді зиялы,
Кейімесін ата-қыран ұялы.
Сен сыйласаң, сәби шақтың бір сәтін,
Атаң саған ұзақ өмірін қияды.
Ақылына айырбаста күлкіңді,
Қайтесің сол күлкі дейтін шіркінді?!
Бейқам күліп өспеген соң өз басым,
Бос күлкіні ұнатпаймын бір түрлі...
Тоқта, ботам! Атаң келеді артыңда.
Дария шалқар даналығын ал, тыңда!
Сенің сәби сәттеріңнің мысқалып
Айырбастап таба алмай жүр алтынға.
Тоқта, ботам! Атаң келеді артыңда!



Пікірлер (7)

динара

Өлендері тамаша

Айгерим Разатовна

Керемет өлеңдер

Жақсыгүл

Маған Мұқағали Мақатаевтың өлеңдері қатты ұнайды. Өлеңдері өте күшті

Индира

Мұқағали атамыздын өлеңдері өте тамаша!

баян

өте тамаша

Станислав

кто может перевести стих или сказать где можно посмотреть на русском. кім орысша мән бере алады? немесе қысқаша айту алады оңай тіліңде

Әбіләз

Мұқағали Мақатаевтың Тоқта, ботам өлеңі ұнады

Пікір қалдырыңыз

Өмір сүрейік алмасып

  • 1
  • 16

Жапырақ-жүрек жас қайың!
Жанымды айырбастайын.
Сен адам бола бастасаң
Мен қайың, бола бастайын.

Толық

Бір әңгіме қозғашы ауыл жайлы

  • 1
  • 3

Бір әңгіме қозғашы ауыл жайлы,
Бұдан артық рахат табылмайды.
Бұлдырасын өткен күн сағымдай бір,
Бір әңгіме қозғашы ауыл жайлы.

Толық

Ауғанбай

  • 1
  • 8

Қару орнына қамшы алып,
Жол жүрдік біздер қаншалық.
Қанымыз кеуіп, тамсанып,
Бұлақтың суын аңсадық.

Толық

Қарап көріңіз