Өлең, жыр, ақындар

Соңғы жорық

  • 28.05.2019
  • 0
  • 0
  • 1787
Аттанды соңғы жорыққа,
Алты бірдей комбайн.
Күн шықты көк иыққа
Қызартып аспан таңдайын.
Енді бір сәтте даланың
Дір ете қалып денесі,
Жаңғыртып егін алабын,
Жүйткіді еңбек кемесі.
Шомылған көкшіл сағымға
Егінші қосы — мекені.
Жатыр алда, адырда
Егінші қосы — мекені.
Жүйткиді алты комбайн
Жиырып сары кілемді.
Бұларға тосып маңдайын,
Күн төбеде тұр енді.
Ал, әне қалды бір пұшпақ,
Қырықты... жұтты... таусылды...
Жақсы екен, шіркін, бұл бір шақ,
Құшағын егін қаусырды!
Құттықтап ерлер бір-бірін
Бөріктерін көкке атты.
Аяқтап солай қыр жырын,
Комбайн тыныс тоқтатты.



Пікірлер (0)

Пікір қалдырыңыз

Есіл

  • 0
  • 0

Есіл, сен қиялымсың бала күннен,
Тасығыш мінезіңмен, танабыңмен,
Атынды жарқ-жұрқ еткен естуші едім
Қазақтың қайырып салған бар әнінен.

Толық

Астанада көшесі бар Гогольдің

  • 0
  • 0

Астанада көшесі бар Гогольдің,
Астанада қызыл гүлдей жарым бар.
Сол көшемен мендік бақытты өмірдің
Сол жарыммен қыдырған бір шағы бар...

Толық

Он жеті

  • 1
  • 0

Туған Торғай, қала Торғай, қарт Торғай,
Көкірегің көне сырға неткен бай.
Мен де аналық кұшағында ерке өстім,
Сенің жомарт пейіліңнен шет қалмай.

Толық

Қарап көріңіз