Тұрмағамбет Ізтілеуұлы

Ойын-сауыққа

Қазақша өлең мәтіні, өлең жолдары және толық нұсқасы.

29.05.2019
0
0
2309

Сауыққой салқылар көп cap табанда,
Ойын бар іздегенге әр қадамда.
Болмаса Қуаң жері деген аты,
Жайлауға жұртқа жайлы Арқадан да.
Кетеді қойдай қаптап көп жерді алып,
Ойыннан бозбалалар тарқағанда.
Келіншек құмай көзді қыздары көп,
Бағулы жігіті паң марқадан да.
Ысқақты Шахар атты шайыры бар,
Құтылар қамал тартқан алқадан да.
Өзгелер құлаш ұрып, күш еткенмен,
Екеуі мыңнан озар малтағанда.
Осындай сауық-сайран тұруға айтып,
Болғай да қай уақытта халық аманда.

Тұрмағамбет Ізтілеуұлы ойын сауық ойын-сауыққа Тұрмағамбет Ізтілеуұлы өлеңдері

Пікірлер (0)

Пікір қалдырыңыз

Жиі қойылатын сұрақтар