Тұрмағамбет Ізтілеуұлы

Жұртымның жүдә жақсы жайы, күйі

Бұл бетте «Жұртымның жүдә жақсы жайы, күйі» атты Тұрмағамбет Ізтілеуұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

30.05.2019
0
0
1343

Жұртымның жүдә жақсы жайы, күйі,
Тойынып, түскен орта толды миы.
Қуылып бай, құлақтар құрып кетті,
Қан сорғыш секілденген қара бүйі.
Берілді бадырақтың пайдасына,
Олардың ұстаған мүлік, тіккен үйі.
Әл-жайын аш, арықтың аңғарып тұр,
Ауданнан азаматтар келіп жиі.
Жасасын Кеңес табы гүлдей жайнап,
Аз емес еңбекшіге еткен сыйы.
Шап кетпен, шалқақтама, енді ерлерім,
"Жұмсақ" деп жолбасшымның жүдә иі.
"Туған жоқ тура биде" дегендей-ақ,
Атамайды атасын да, шықса шиі.
От жақсаң өзің кімге деп өртенерсің,
Құлайсың қақтығысып, қазсаң құйы.
1918.

Тұрмағамбет Ізтілеуұлы жұрт жұртымның жүдә жақсы жайы күйі Тұрмағамбет Ізтілеуұлы өлеңдері

Пікірлер (0)

Пікір қалдырыңыз

Жиі қойылатын сұрақтар