Қауынбайға

Бұл бетте «Қауынбайға» атты Тұрмағамбет Ізтілеуұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 30.05.2019
  • 0
  • 0
  • 1504
(Әзіл)
Баласы Қаумен ағам Қауынбайсың,
Иісті, пісіп тұрған қауындайсың.
Тұрғанда бақ басыңда, халық қолында,
Бұлт шөгер Алматының тауындайсың.
Шырын тіл, шырайлы жүз, сынық мінез,
Көктемде көк шығарған жауындайсың.
Иніңді інім ғой деп ұстағанда,
Несіне "ұят қой" деп ауырлайсың.
Енің сау, денің таза болып жүрсе,
Келінді кеші-күндіз сауырлайсың.
Болғанмен жасың кіші, жолға маман,
Біздерге байқағанда сауырдайсың.
Бедеудей бабындағы жүрсең болып,
Талайын талдырмаштың бауырлайсың.
Қол тисе қай жеріңе, қипақ қағып,
Тұратын тыпыршылап жауырдайсың.
1925.
* * *
Інім ең айтқанымды етер деген,
Ойым жоқ өкпелетіп кетер деген.
Көруге кітабыңды кеңшілік қыл,
Исламның дінін өлшеп, метерлеген.
Жерінен бәріміз де бас тартайық,
Ақылдың аруанасы көтермеген.
Күніне кім көрінген міне шауып,
Жабыдай жауыр болдық жеті ерлеген.
Қамқорлық халыққа өздерің қылмасаңдар,
Қауіп бар қорлықта өмір өтер деген.

1925.


Пікірлер (0)

Пікір қалдырыңыз

Жиі қойылатын сұрақтар

Қауынбайға өлеңінің авторы кім?

Тұрмағамбет Ізтілеуұлы — осы өлеңнің авторы.

Қауынбайға өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қауынбайға өлеңі не туралы?

Бұл өлеңде Тұрмағамбет Ізтілеуұлы өз ойы мен сезімін көркем түрде жеткізеді.

Қауынбайға өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері