Өлең, жыр, ақындар

Көңілімді көтерші

  • 03.06.2019
  • 0
  • 0
  • 1418
Сәуле шашпай, сыр түйіп кешім күміс,
Сағынышқа тұншығып көкірегім.
Шаттанғаным соңғы рет есімде еміс,
Көңілімді көтерші, өтінемін.
Ән айтып бер, Шәмшінің әні болсын,
Елітсін де, ерітіп сипаласын.
Әуенімен жанымның кемі толсын,
Шаштарымды сазы оның ұйпаласын.
Ән салмасаң, оқып бер нәзік өлең,
Махаббат па, ғашықтық жайын айтсын.
Өлсем осы сезімнен азып өлем,
Қалтырамай қаңтарда қайың қайтсін.
Биге шақыр, ойнағын домбырада,
Шаңға батқан гитарды қолыңа алып.
Құмарлықтың күлігі болдыра ма,
Күнәларға көмдірер солын танып.
Көңілімді көтерші, шаршап жүрмін,
Алданамын, күлемін барлығына.
Толқынды оймен таңдарды қарсы ап жүрмін
Жалғыз қалдым, жасаған жарлығы ма?
Көңілімді көтерші, шаршап жүрмін.



Пікірлер (0)

Пікір қалдырыңыз

Күзгі Алматы

  • 0
  • 0

Күз келгенде Алматы жабығады.
Жылу таппай, суыққа бағынады.
Ол да жазған қыздардай бірді сүйер
Алатауын еңкеймес сағынады.

Толық

Алпыстың асыққанда асқарына

  • 0
  • 0

Алпыстың асыққанда асқарына,
Ақ кірді жылдарменен шаштарыңа.
Туған күн құтты болсын, ардақты ана,
Бақытты өмір кешкен шақта мына.

Толық

Барар едім, өмірді өртеп көргісіз

  • 0
  • 0

Барар едім, өмірді өртеп көргісіз,
Хат жазар ем, мекен - жайың белгісіз.
Ән салар ем, тәңір дауыс бермеген,
Жыр оқимын, тұла бойды кернеген.

Толық

Қарап көріңіз