Өлең, жыр, ақындар

Сәкен ақынға

  • 03.06.2019
  • 0
  • 0
  • 964
Бірде мені дос етіп сайлап қалап,
Бірде аруға қол жетпес теңедіңіз.
Маңдайымнан иіскеп жайлап қана
«Кіп-кішкентай ақыным» деп едіңіз.
Сіз ақыным десеңіз алып-ұшып,
Шабытымнан шық бермес ақымды алмай.
Мінезі бар мұңымның халі пұшық,
Жыр жазамын кәдімгі ақындардай.
Қаланы қар басады, еріп кілең,
Қыс қысылды көнекөз жыртықтайын.
Өлеңімді сізге оқып беріп жүрем,
Мен Фариза болуға ынтықпайын.
Дала ұйқыда, төбеде байырғы аспан,
Жақсы жырмен ол дағы созатын бел.
Жылдар кетер желкенін қайырмастан,
Естеліктер сіз жайлы жазатын — мен.
Қайда жүрсіз? Сапарда, Астанада?
Әлде сезім елінде аты аңызды?
Өлең де емес, ән емес, дастан аға,
Ақын қызға дайында батаңызды.



Пікірлер (0)

Пікір қалдырыңыз

Көңілімді көтерші

  • 0
  • 0

Сәуле шашпай, сыр түйіп кешім күміс,
Сағынышқа тұншығып көкірегім.
Шаттанғаным соңғы рет есімде еміс,
Көңілімді көтерші, өтінемін.

Толық

Аман жүрші, әкетай

  • 0
  • 0

Жоғарының қалыс қалмай жарлығы
Өзен ағып, желмен билер қоғалар.
Ең бастысы — әке, сенің барлығың
Мұңлы күндер бірде әйтеуір жоғалар.

Толық

Аманқос Мереевке

  • 0
  • 0

Мен сүйемін алып Күнді төбемде
Күйдіретін шілдеде.
Аспанымды ауа қармап өбем де,
Түнді құшам кәжекейін ілмеген.

Толық

Қарап көріңіз