Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Кәкімжан Қазыбаев

Жұлдызым

Бұл бетте «Жұлдызым» атты Кәкімжан Қазыбаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.06.2019
0
0
2322

(«Жұлдызым» әнінің ырғағымен айтылады)

Жұлдызым келе қапты сәлем беріп,
Барады көрген сайын жүрек еріп,
Төбеміз көкке аз ғана жетпей қалар,
Біз сені әлсін-әлсін тұрсақ көріп.
Жұлдызым.
Қалқиған құлағыңнан,
Битімдей тырнағыңнан,
Аташың айналғанда,
Көмейде тұрады ән.
Ыстықсың бәрімізге сонша неге,
Тәмпиген таңқы мұрын «жаман неме»,
Сен келсең базар-думан бола қалады,
Келгендей ұзақ жолдан құтты кеме.
Қайырмасы:
Көзіңнен жылтыраған,
Иісіңнен бұрқыраған,
Аташың айналғанда,
Кеудеде жыр тулаған.
Күлсең сен езу тартып мәз боламыз,
Шаттанып, жайма-шуақ жаз боламыз,
Шиқылдап жыласаң да шырқ үйіріліп,
Шаттыққа, жанға қуат кез боламыз.
Қайырмасы:
Дулат пен Найман сенің арғы тегің,
Деп жүрміз тірі тұрсаң, болмас тегін,
Жарылып жүрегіміз сен туғанда,
Бақыттың кілті ғана болсын дедім.
Қайырмасы:

Кәкімжан Қазыбаев жұлдыз жұлдызым Кәкімжан Қазыбаев өлеңдері

Пікірлер (0)

Пікір қалдырыңыз

Жиі қойылатын сұрақтар