Өлең, жыр, ақындар

Алаш ұраны

  • 07.06.2019
  • 0
  • 0
  • 6320
(Дүйсенбі Әріпұлына)

Біз қазақ жасампаз елі бар,
Ер Түрік тегінен таралған.
Алаш боп киелі ұраны,
Азаттық таңы үшін тау жарған.
Кең пейіл бауырмал халықпыз,
Тәңірдің нұрынан нәр алған.
Шыңдалып сұрапыл сан сында,
Із салған ғасырдан ғасырға.
Жалыны ертеңге ұласып,
Қол созған шыңдардан асуға.
Арманы ең асқақ халықпыз,
Жаралған жеңістер жасауға!
Елімнің бейбіт күн тілегі,
Ислам мәңгі өшпес тірегі.
Күн қыран көк туы астында,
Бөгелмей бөрідей ерлері,
Кектенсе от жаны алаулап,
Айналар жасынға көктегі.
Елдігі, ерлігі жыр аңыз,
Бабадан бұзылмай қалған із.
Қастерлеп өр даңқын жырлаумен,
Жаңғыртып жолдарын жалғаймыз.
Ақтауға үмітін,сенімін,
Анадан ер болып туғанбыз.
Қанында ойнаған өжеттік,
Қазақпыз, қазақ боп ержеттік.
Тәңірдің соғылған, таңбасын,
Ешкімде бұза алмас өзгертіп.
Ел үшін жасаймыз ерліктер,
Ар туын жоғары көтеріп!



Пікірлер (0)

Пікір қалдырыңыз

Жоғалған ел

  • 0
  • 0

Ерте, ерте, ертеде,
Болыпты бір ғажап ел.
Нәзік сырын шертерде,
Тына қалған дархан жел.

Толық

Ораз Жандосов

  • 0
  • 0

Мұндай сұмдық ешбір елге бермесін,
Қызыл терор қамау қылып түрмесін.
Бейбіт жандар түнегінде тұншығып,
Өмір жатты қармен көміп іргесін.

Толық

Назар әулие баба үні

  • 0
  • 0

Сан ағылтып жүректің жыр моншағын,
Бастауыңды іздесең құлыншағым.
Ол өзіңнің туған жер бесігіңде,
Анаң болып айқарған кең құшағын.

Толық

Қарап көріңіз