Корейская косметика премиум класса

Күзетші құрдасқа

  • admin
  • 09.06.2019
  • 0
  • 0
  • 802
Не құдайға сенбейсің,
Не былайға сенбейсің.
"Ханға" тағы сенбейсің,
Заңға тағы сенбейсің.
Арнасына сия алмай,
Соқтығысқан сеңдейсің.

Ойға оралды бір күдік,
Қарап сенің сыйқыңа.
Қалаң болса дүрлігіп,
Далаң болса ұйқыда.

Сөзін сөйлеп дананың,
Ісін істеп ауыштың.
Ресейдің арағын,
...Ақырында тауыстың.

Үйге қаржы әкелмей,
Бала-шаға, жарды ойлап.
Жүрсің енді әкеңдей,
Шалдарменен "Гарбі" ойнап.

Отырасың қозғалмай,
Бұлт ішінде батқанда ай,
"Қой үстіне болзторғай,
Жұмыртқалап жатқандай".

Арнасына кәрі Арал,
Қайта толған секілді.
Тайсойғанның жарадар,
Байкот алған секілді.

Ақша толы уысың,
Ауырлайтын секілді.
"Қылтамақ" боп туысың,
Ауырмайтын секілді.

Бекірелер Оралға,
Асып жатқан секілді.
Уылдырық қораңда,
Сасып жатқан секілді...

Жаратқанның жарлығы,
болып тұрған секілді.
Дүкеніңде барлығы,
Толып тұрған секілді...

Ризасың өз ісіңе -
Қызмет қылған Отанға!
Жиі енеді түсіңе,
Брежнев атаң да...

Қарауылда табанға,
Жүрсең дағы сыз өтіп,
Хал сұраған адамға,
"О кей!" дейсің гүж етіп.

Ұры күтіп ас қылған,
Түн құшағын жайғасын.
Күзетесің бос тұрған,
"Рабкооптың" қоймасын.

Бір қолыңда таяғың,
Телміресің таң да атпай.
"СССР-ді...баяғы" ...,
Қорғап тұрған солдаттай.


Неліктен көзіңе жас толады

  • 0
  • 0

Неліктен көзіңе жас толады,
Жан едің өнегелі.
Сеземін, қимайсың Астананы,
Қимайсың және мені...

Толық

Ақан серіге

  • 0
  • 0

Жастық атты жүргенде дүрбелеңмен,
Аруларға ғашық боп қызғанарлық.
"Таң асып торыны" мінбегенмен,
"Қылаңдарға" таксилеп біз де бардық.

Толық

Әке мен шеше

  • 0
  • 0

Жалғыз ұлды, боп кеткен астаналық,
Күте-күте барады, шаш та ағарып.
Күйбең тірлік кешеді кемпір мен шал,
Қазақы үйді баяғы баспана ғып.

Толық

Қарап көріңіз


×