Өлең, жыр, ақындар

Екінші лебіз

  • 10.06.2019
  • 0
  • 0
  • 1368
(С.Әзірбаевқа)

Сол болар деп ұлы ұстазды сүйгендік,
Сен жиренген тексіздіктен жирендік.
Саған ұқсап бой түзедік біздер де,
Бір өзіңнен кісілікті үйрендік.

Арманымыз Алатауға жақындап,
Намысымыз найзағайдай шатырлап,
Саған ұқсап күрестерде Жеңіспен
Туған жерге қайттық талай лапылдап.

От боп жанып өртенумен ызғарда,
Лапылдадық, арманымыз мұздарда.
Сүйсек егер құлай сүйіп мәңгіге,
Өзің құсап ғашық болдық қыздарға.

Жұмбағы мол тіршілікте астарлы,
Сәтсіздіктер қаптағанда аспанды,
Досымызды өзің құсап аялап,
Өзің құсап қастерледік қастарды ...

Сөйтіп біз де озық шәкірт аттанып,
Ұшқан құстай оңтүстікке бет алып,
Тобымызбен кете бардық қалықтап,
Сәке, сенің жүрегіңнен от алып.

...бала-шаға, кәрі-жасы қалмастан,
Елуіңді ел тойлауды талмастан.
Кілемде емес, күресінде өмірдің
Жеңілмеуді бізге үйреткен Марқасқам!.



Пікірлер (0)

Пікір қалдырыңыз

Сен кімсің?

  • 0
  • 0

Қарттардың тыңдай - тыңдай сөзін кілең,
Өзіңді, сөзіңді ойлап көз ілдірем.
Бұл елдің досысың ба, қасысың ба,
Сен кімсің?

Толық

З. Дәуітовке

  • 0
  • 0

Жанарыңда мұнар мұң бар,
Со бір мұң,
Кіреукесін көтертпейді-ау көңілдің.
Бұйра шашың бұлт ішінде желбіреп,

Толық

Ақан серіге

  • 0
  • 0

Жастық атты жүргенде дүрбелеңмен,
Аруларға ғашық боп қызғанарлық.
"Таң асып торыны" мінбегенмен,
"Қылаңдарға" таксилеп біз де бардық.

Толық