Нарцисс

(Ақсары гүл нарцисс)

Жапырақ жарып ақсары гүл,
Сабақта жасыл шоғын түйген,
Гректің елі сыйынып бүкіл,
Табынып осы гүлді сүйген.
"Тәңіріміз" деп гүл боп мәңгі,
Жаңарып өсіп, солып сөніп,
Тұрады күтіп ататын танды,
Тіріліп күндіз, түн болса өліп.
Тәңірі де гүл, гүл де тәңірі,
Тәңірі деген бар бір сенім,
Тәңіріні іздеп адамзат мәңгі,
Таппаған оған ұқсатар теңін.
Гүл жаралса топырақтан, судан,
Топырақ пен су туған қайдан,
Топырақ та, су да жерден туған,
Жер пайда боп қатқан ылайдан.
Ылай пайда болған неден,
Төкпей, шашпай тоңазытқан кім?
Тапшы осыны шежірем деген,
Ауыр сұрақ шешусіз тым...
Нарцисс ақ гүл грекше тәңірі,
Менше айтқанда ақсары гүлсің.
Тимеген жанды, жансызға зәбірі
"Көргендер күйінбей иіскеп сүйсін".
Деп өстің бе жер бетіне,
Жапырақ жайып алты тарам.
Көз сүйсінер келбетіңе,
Мен сүйсініп күнде барам.

---