Қараңды көрсем қиырдан

Қиырдан көрсем қараңды,
Елжіреп құштар жүрегім,
Ұмытып кәрі жарамды,
Елестер ескі тілегім.
Жаралы жаным жадырап,
Сермейді сырық қанатың.
Әлдеқайдан бас құрап,
Махаббат іздер санатын.
Сөнген бір жан от алып,
Сермейді әлсіз қияғын,
Жасыған жастық тот шалып
Көрсетер жабы сияғын.
Шын махаббат тозар ма,
Жасыса жалын болар күл,
Орынсыз қолын созар ма,
Сырым сол, досым, өзің біл.