Светқали Нұржан

Бала қылық

Бұл бетте «Бала қылық» атты Светқали Нұржан жазған бала туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

14.06.2019
0
0
3329

Балалықтың елесі, үзігі — жыр,
Бала қылық бұл күнде бұзылып жүр.
Ізін уақыт жаныма салғанменен,
Асық атқан кездердің қызығы жүр!..
Айырмастан ерліктің ақ-қарасын,
Күшті боп та ініге мақтанасың.
Өзің айтқан "ертекке" өзің мәз боп,
Асынуға бес қару шақ қаласың...
Асқақ ханға ұқсадық аста ат барда,
Көбең көңіл балалық бас баққан ба!
Маңдайымды жарушы ем темірге ұрып,
Бақайымның басынан тас қаққанда.
Еһ, балалық!
Ол да бір арман алыс —
Өмір деген тартты ғой тарлан ағыс.
Ықты-жарға қарамай шапқылаушы ек,
Тірлігіміз бүгінде жорға жарыс...
Уақыттың кеудеде қыжылы жүр,
Бала қылық бұл күнде бұзылып жүр.
Әйткенменен жанымда асыр салып,
Шыбық мінген кездердің қызығы жүр!..

Светқали Нұржан бала қылық бала қылық Светқали Нұржан өлеңдері

Пікірлер (0)

Пікір қалдырыңыз

Жиі қойылатын сұрақтар