Өлеңдер Бөлімі

Өмір сүрейік алмасып

  • Bain
  • 26.04.2015
  • 1
  • 12
  • 26034
Жапырақ-жүрек жас қайың!
Жанымды айырбастайын.
Сен адам бола бастасаң
Мен қайың, бола бастайын.
Келісесің бе, жас қайың?
(Көрінер,мүмкін, кімге ерсі.)
Өміріңді маған бір берші!
Дүрбелең мына дүниені,
Адам көзімен бір көрші.
Қайың боп мен де бағайын,
Орманнан орным табайын.
Беймәлім маған өмірге,
Қайың көзімен қарайын.
Сен-дағы жерден нәр алдың,
Мен-дағы жерден нәр алдым.
Біреуден сен де жаралдың,
Біреуден мен де жаралдым.
Тілің жоқ, жанды қайың сен,
Айырмашылығым - Адаммын.
Мендегі бары бір жүрек.
Беріпті жүрек саған мың,
Сондықтан ұзақ жасайсың -
Құрдасы келер заманның.
Бар-жоғы менде бір жүрек,
Ол өлсе мәңгі кеткенім.
Сендегі: семсе мың жүрек,
Келгенде жасыл көктемін
Тірілер қайта дүруреп.
Жапырақ-жүрек, жас қайың!
Жанымызды айырбастайық?
Адам боп жүрсең қасқайып,
Қайың боп тұрам қасқайып,
Тәуекел, айырбастайық.
Өмірге-өмір жалғасып,
Анамыз жерге жармасып,
Бірде адам, бірде қайың боп,
Сүрейік өмір алмасып...


Бибігүлге

  • 1
  • 3

Қарлығаш көмей Құрбым-ау
Қай күні, қандай Анадан,
Бағына елдің тудың-ау?!
Ізеттім, әрі келбеттім,

Толық

Бұлт

  • 0
  • 0

Тұңғиық, түпсіз көк аспан
Жайымен ғана жатыр сұлқ.
Керуендей адасқан
Келеді жылжып бір топ бұлт.

Толық

Кетер ме екем

  • 1
  • 2

Бірде олай ауытқып, бірде былай,
Бір байламға келе алмай жүргенім-ай.
Таулы аймақтың ауасы секілденген,
Аумалы да төкпелі күндерім-ай!

Толық

Қарап көріңіз


Пікірлер (12)

маған ұнады

күшті

Айжан

Маған өте қатты ұнады

Несібелі Баштаева

Нағыз ақын сіздей-ақ болсын ағатай!

aikow

қандай керемет , маған ұнады .

Руслан

Керемет олен

Назерке

Өте керемет өлең екен мен сүйіп оқыдым

Аружан Жумабаева

Super

8а Доссор

Жаттап жатсындарма?)

Nura999

Күшті

Айжан

Керемет ақын
Кеоемет өлең

Гулмира

менің ең жақсы көретін ақыным және менің ең жақсы көретін өлеңім

Myrza

Керемет олен

Пікір қалдырыңыз

×