Өлең, жыр, ақындар

Ерте көктем, Қыстауда

  • 14.06.2019
  • 0
  • 0
  • 1656
Жусан бүрін жарыпты — тышқанқұлақ,
Әзір келе қойған жоқ құстар, бірақ.
Гуілдейді салқын жел әлсін-әлсін,
Әлдеғайда жатқандай мыстан жылап.
Желігіп жүр беткейде бір көк дөнен,
Көзім тіге беремін қыр бетке мен...
Қысқы әнінің айтуда қайырмасын,
Жел өтінде бұталар дірдектеген.
Қараөзек шақ.
Иесіне ерке қарап,
Жер тарпитын сұлық тұр торы төбел ат.
...Аспан асты қалың бұлт. —
Әлде біреу
Күн-бөбекті тастаған көрпеге орап.
Жылынады сайларға жолдар кіріп,
Ағам анау, түспей жүр қолдан құрық.
Жеңгем күліп келеді, қой қорадан
Етегіне сап-сары тоңғақ жұғып.
Не істеп жатыр деді ме тыстағылар,
Інім шықты далаға — құсқа құмар. ...
"Құс қанаты" жауады-ау бүгін-ертең.
Қар қылаулай бастады...
Түш, жануар!..



Пікірлер (0)

Пікір қалдырыңыз

Экспромт

  • 0
  • 0

Аққайыңның жөні бөлек жай талдан,
Періште-өнер сыбаға алмас сайтаннан.
Маңғыстаудың мақтаны хас майталман!
Тартам деген тереңінде тарта алған,

Толық

Күзгі алтын

  • 0
  • 0

Ай сәулесі шықты жағып шөптегі,
Айналаға алтын зерін төккені.
Ойнақ салып жүрген сынды көп пері,
Жарқылдайды алтын шағыл бөктері.

Толық

Қараған Босаға қырғыны

  • 0
  • 0

"Біссіміллә!" — деп бастайық гәптің басын,
Ер назарын қайтармай, аттың басын!
Ала майдан алғида жолықтырмай,
Ақ қағаздың бетінде тап қылғасын!

Толық

Қарап көріңіз