Өлең, жыр, ақындар

Ба - я - ғы - да ...

  • 16.06.2019
  • 0
  • 0
  • 1414
Керек бүгін бұлардың аттануы,
Малды ауылға жеткізбек қаптағыны.
... Бұлт - көпшікті алмас - күн тіліп кетіп,
Бұрқырайды үсті-үстін ақ мамығы.
"Шөкпей сірә, ақ бура — жер қайыр ма?
Жер қайымай, мүбәдә, ел байыр ма?!" —
деп қария мақалдап,
Жүк артады
Қос өркеші құлаған сорлы айырға.
"Зорықтырды-ау, мына иттер інгенімді,
Көп көре ме ілініп жүргенімді?!
Өздері кеп алмас па кем-кетігін!?" —
Сөгеді қарт малдағы ұл-келінді ...
Соғда да шал даланы ем көреді,
Орталыққа сия алмай сенделеді.
... Сұрап алған оқудан немересі
Ыңылдайды көлеңдеп кер дөнені:
"Атан өлсе сойылар,
Атам өлсе қойылар.
Бірақ мұндай қансонар
Күнде қайдан табылар?!."
"Не оттап тұрсың, ененді ... сандалама!" –
Жас жеткесін, әрине, шал да бала.
... Бір түйелі, бір атты — қос жолаушы
Желіп бара жатады ақ далаға ... ... ба-я-ғы-да ...



Пікірлер (0)

Пікір қалдырыңыз

Арал жағасында

  • 0
  • 0

Келіп едім Аралға — теңізім жоқ, теңізім,
Қалай берген қарт Хазар жалмауызға егізін ...
Көрінер деп бір белгі — күн салып кеп қарасам,
Бұғып жатқан диюдай бас көтерді қара шаң.

Толық

Қара ағаш

  • 0
  • 0

Мынау — бала шағым өткен тау еді,
Тау әуені қылды тағы шала мас.
Жан сырласым тірі екен ғой! — әуелі
Қара ағашқа сәлем бермеу жарамас.

Толық

Күзгі өксік

  • 0
  • 0

Қыркүйек желі жаз өтті дей ме,
Қайтқан құс сыңсып аза етті бейне.
Өткен жазыма қайтқым келеді,
Қалпақ қылып ап газетті кейде.

Толық

Қарап көріңіз

Пікірлер