Өлең, жыр, ақындар

Елестің жыры

  • 16.06.2019
  • 0
  • 0
  • 1185
Қыздай алған адалым,
Жадымнан сәт шықпайсың.
Бұзбай алған қамалым,
Сен мынаны ұққайсың:
Сезіміңе тұтқын боп,
Еремін деп желікке;
Тірі адамға шықтым деп,
Тигенсің сен өлікке.
Әруақтармен кеңестім,
Пенделерге суықпын.
Мен бір ғайып — елеспін,
Әлем кезген — рухпын.
Мені көрсең Езіле
Талықсиды ақ тәнің.
Сезілмейді өзіңе
Елес құшып жатқаның.
Бірер түнеп жаныңа,
Үйді өзіңе қалдырып;
Кете барам тағы да
Елес болып қаңғырып.
Жүрек — тәнді тепкілеп,
Жасың жарып қанасын;
Жарым қайда кетті деп,
Зарлайсың да қаласың.
Мезгіл өтсе болжалды —
Көкірекке мұң сіңіп;
Жер бетінде жоқ жанды
Жоқтайсың кеп тұншығып.
Жылай - жылай жалығып,
Арпалысып ақ таңда —
Тар төсекте талығып
Екі есті боп жатқанда.
Қос үрей жан шыдамсыз. —
Тап боп осы күйіңе,
Аңдып жүрген бір арсыз
Кіріп алып үйіңе;
Арбап еніп қасыңа
Тамырыңды игізіп;
Көйлегіңді басыңа
Кетпегей тек кигізіп.
Қысыр жылан — білегің
Жаттың тәнін шақпасын.
Уға толы гүл - ерін
Бөгдеге нәр жақпасын.
Тәнің жеңсе өртенген,
Ардың жайын ұққан ба? —
Не айтасың,
Ертең мен
Көрден қайта шыққанда?!
Арлыны аяр арбайды,
Арсыз жолы көмескі. —
Елесің де қалмайды,
Өкпелетсең Елесті.

26.04.1991 ж.



Пікірлер (0)

Пікір қалдырыңыз

Дәм айыру

  • 0
  • 0

Тісің шықты - иегіңді жарып, қанап,
Жейтін болдың дәміңді — анықтап ап.
Құйтақандай көжегім! — әрнәрсені
Отырасың аузыңа салып қарап.

Толық

Бағзы баллада

  • 0
  • 0

...Ел ішіне тағы да бір дау кірді,
Қара тазы төбеге үрді, тауға үрді.
Түндіктерін ерте жауып бүгін ел,
Күндегіден малын ерте саудырды.

Толық

Алматы. Торығу

  • 0
  • 0

Көптен бері естімей сыңғырын жырдың,
Алматыға сия алмай шыңғырып жүрмін.
Қай жаққа кеткен баяғы бұла дауысым?
Төмендеген бе, биіктен құламау үшін?..

Толық

Қарап көріңіз