Өлең, жыр, ақындар

Тірлік

  • 20.06.2019
  • 0
  • 0
  • 1024
Алдында мынау фәни — тыр жалаңаш,
Шығарып тілін маған сиқын ашты.
Мұқағали

Мен деген кім? —
Жүрген сүлде кескінмін,
Хайуан текті кейіпке енген қан ысып.
Тіршілікке келгенімді кеш білдім,
Ит - нәпсінің сілекейіне жабысып.
Білгенімде не істер едім? —
Ештеңе! —
Жын — ұрықтың талайы өткен шұбырып.
Аман - есен қаламын деу — бос дәме,
Тіміскі түн назарынан тығылып.
Ит - нәпсіден жаралғанмен,
ит құсап
Үре алмаймын,
Сүрем! — дедім адамша.
Көзімді ашсам:
аяр күлкі, құйт-құшақ
Жетіп кепті Тірлік атты Бадамша.
Көзімді ашып алғандағы Бейненің
Алапатын айта алмай Жан,
күйрер жыр.
Тыр жалаңаш,
Шешіп тастап көйлегін
Ұятыма тілін тығып билеп жүр. 
Жанарымды жұма қойдым жалма - жан,
Кет, пәлекет!
Аулақ! — деуге үлгермей.
Медет, шафқат тілемек ем Алладан —
Кәлимаға қойғаны ғой тіл келмей.
Елес болып есімді алған Көлгір Өң
Қиял отын тұншықтырды бықсық қып.
Әуен едім Әйнек сынды,
Мөлдір ем,
Долы Тірлік даусы кетті быт-шыт қып.
Нәзіктіктің жанарына күл шашып,
Шұлғау қылып Сұлулықтың лыпасын;
Көзімді ашпай қойсам да Әлем кір сасып,
Құлағымды бұрғылайды топас үн.
Қорықпадым, ал тап соның кәрінен!
Көп болса әлгі ...
Сұқ саусағын шошайтар! —
деп шыдамай көзімді ашып алып ем:
Шешінгелі жатыр тағы,
О, Сайқал!.. 



Пікірлер (0)

Пікір қалдырыңыз

Төбелер

  • 0
  • 0

Қырда мен төбелерден сыр ауладым,
Келеді жиһангезден бір аумағым.
Ер Досан қарсы алдымнан шыға ма деп,
Алаулап, алабұртып тұр-ау жаным!

Толық

Насихат қазақия

  • 0
  • 0

Шын шайырда ру жоқ — ұлт болады,
Рушылдың шатпағы — қыртқа дәрі...
Жерде жүрген бауырды бөле алмас ең,
Көтере алсаң тауыңды бұлттан әрі.

Толық

Ақын жыры

  • 0
  • 0

Асау көңіл — шығанға оқ па атылған,
Қанжар ма әлде қынында тот басылған?!
Ақын десем, көзіме елестейді,
Жолбарыстар тайлықпай отқа атылған.

Толық

Қарап көріңіз

Басқа да жазбалар