Жетсе өмірім – Айтуар Өтегенов

Бұл бетте «Жетсе өмірім» атты Айтуар Өтегенов жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 04.07.2019
  • 0
  • 0
  • 1158
(Мұқанға)

Дос едік,
Құрдас едік,
Сырлас едік,
Жүретінбіз жүректе нұрға сеніп.
Сұм дағдыр-ай,
Сені дос кім ойлаған,
Қалар деп жиырма сегіз жылда сөніп.
Бірге ысып, бірге мұздап алағызған,
Жанымызға нәр алдық даламыздан.
Өлімді мазақ қылып жүрген кезде,
Жауыз-ай,
Сені ап кетті арамыздан.
Алғы күннен арманды, үмітті едік,
Көз салмаушы ек еш жанға күдіктеніп.
Сенбедім,
Сенбедім мен
Күтіп жүрдім,
Қағар-ау, деп есікті күліп келіп.
Ұйықтасам-ақ түсімде сені көрдім,
Қиялдасам ішінде сені көрдім.
Үйге достар жиналған кездерде де,
Жан досым-ай, бос тұрар сенің орның.
Төрт мезгілдің құмы мен қары көміп,
Жатқан досым,
Кетсейші тағы келіп.
Саған ғашық,
Сен ғашық болған қыздар,
Жүр біреудің сүйікті жары болып.
Келіп тұрмын басыңа көрісуге,
Келесің бе жан досым келісімге.
Жетсе өмірім,
Игі істер тындырайын,
Өзім үшін және дос,
Сен үшін де.


Пікірлер (0)

Пікір қалдырыңыз

Жиі қойылатын сұрақтар

Жетсе өмірім өлеңінің авторы кім?

Айтуар Өтегенов — осы өлеңнің авторы.

Жетсе өмірім өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жетсе өмірім өлеңі не туралы?

Бұл шығарма өмір туралы өлең ретінде танымал. Өлеңде автор өз ойын көркем түрде жеткізеді.

Жетсе өмірім өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері