Пәк адамға ғайыптан

Пәк адамға ғайыптан,
(Дәлелім мол сүйенер).
Тағылады айыптар,
Жағылады күйелер.
Ел мықтысын «жазалау» –
«Зікіршілер жиыны».
Ол күйені тазалау,
Қиындардың қиыны.
Өтірік-шын амалдап,
Кездер болды есірген.
Депутатты жамандап,
Әкімдерді кетірген...
Осылайша әңгүдік,
Айлаларын асырды.
Ойбайлауды «ән» қылып,
Киелерді қашырды.
Малұғындық әрекет,
Болып алды жиі өнер.
Ұрса деймін соларды,
Маңғыстаулық киелер.

---