Абдрахман Асылбек

Таразым менің

Бұл бетте «Таразым менің» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.07.2019
0
0
8661

Әнін жазған Дүнгенбай Ботбаев

Күмбір де күмбір керуен –
Сырнайлы сыңғыр серуен.
Таразым жеткен бұл күнге,
Мыңдаған жылдар төрінен.

Қайырмасы:
Толқыса мөлдір Таласым-ай,
Арулар тапқан жарасым-ай.
Таразым менің жалғаған-ай
Батыс пен Шығыс арасын-ай,
Таразым-ай.
Таразым менің, Таразым,
Бақытқа бастап барасың,
Бақытқа бастап барасың-ай,
Таразым-ай.

Тараздық ұлы ғалымдар:
Дулати, Баласағұндар.
Тараздың перизаттарын
Жырлаған небір дарындар.

Қайырмасы.

Тараздың ашық аспаны,
Жарқ еткен жасын жастары.
Қарахан-Айша бибілер –
Ғашықтың асыл дастаны.

Қайырмасы.

Тарихы терең Таразым,
Түлеген қайта қаласың.
Бойыңда Жібек жолының
Мәңгілік нұр боп жанасың.

Қайырмасы.

Абдрахман Асылбек Тараз таразым менің Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар