Абдрахман Асылбек

Өмірдің көбі кетіп, азы қалды

Бұл бетте «Өмірдің көбі кетіп, азы қалды» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.07.2019
0
0
12712

Әнін жазған Әсет Бейсеуов

Өмірдің көбі кетіп, азы қалды,
Көңілдің кегі кетіп, назы қалды.
Ерекше құлай сүйген сүйіктімнің
Санамда сыңғырлаған сазы қалды.
Оянып балғын сезім көктемеден,
Арманның асқарына беттеген ем.
Биіктеп бара жатыр кейінгілер,
Мен жайлап түсіп келем Көктөбеден.
Төбемнен төңкеріле күн күледі,
Сәулесін тұла бойға сіңдіреді.
Жаздан соң тұнжыраңқы күзім келіп,
Қоя ма қабақ ашпай, кім біледі?
Өмірдің көбі кетіп, азы қалды,
Айдыннан аққу ұшып, қазы қалды.
Ерекше құлай сүйген еркешімнің
Санамда сыңғырлаған сазы қалды.

Абдрахман Асылбек өмір өмірдің көбі кетіп азы қалды Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар