Өлең, жыр, ақындар

Тамаша

  • 28.07.2019
  • 0
  • 0
  • 1753
Әнін жазған Нұрлан Байгөзов

Ей, халайық, халайық,
Тамаша әнге салайық.
Ашық аспан аясында,
Қанатты бірге қағайық.
Ойын, той, десе тамаша
Қуанар қазақ балаша.
Көңілге қуат дем берер,
Әзіл мен күлкі жараса.

Қайырмасы:
Ей, үлкен-кіші, жасымыз,
Ей, қосылыпты басымыз.
Басталады Тамаша,
Жастар әні – Тамаша.
Достар әні – Тамаша,
Асқақ әні – Тамаша.
Тәтті үніміз – Тамаша,
Ақ гүліміз –Тамаша.
Пәктігіміз – Тамаша,
Шаттығымыз – Тамаша.

Біреуің келдің қаладан,
Біреуің келдің даладан.
Тамашамен марқаяды
Осында келген әр адам.
Қазақтың жаны – тамаша,
Қазақтың әні – тамаша.
Тарқамайды тойымыз,
Қазақтың сәні жаңаша.

Тағы да тағы тосамыз,
Тағы да басты қосамыз.
Тамашасыз өмір сүру,
Мәнсіз де дәмсіз бос аңыз.
Тамаша – біздің таңымыз,
Тамаша – біздің бағымыз.
Тасқынды судай тынбайды
Тамаша – сұлу әніміз.



Пікірлер (0)

Пікір қалдырыңыз

Шыңға шықтым

  • 0
  • 0

Мен өзім табиғатқа шын ғашықпын,
Сол үшін көк тіреген шыңға шықтым.
Көзімді тарта берді күн шығыс жақ,
Білмеймін, кімге асықтым, кімге асықтым?

Толық

Өмір туралы ой

  • 0
  • 0

Отын жағып үміттің,
Алаулап таң атады.
Бір орыннан шығып күн,
Бір орнына батады.

Толық

Мәлік

  • 0
  • 0

Гүлдер – қызыл,
Жасыл майса.
Қауын – сары
Пәлек жайса.

Толық

Қарап көріңіз