Өлең, жыр, ақындар

Қазағымның тойлары-ай

  • 28.07.2019
  • 0
  • 0
  • 3139
Әнін жазған Медеу Арынбаев

Қазағымның жайлауына қара,
Тауларының қойнауына қара.
Соншалықты сұлулыққа толы,
Таң-тамаша тойларына қара.
Жазғытұрым құлпырады дала,
Тайға мініп, құлдырайды бала.
Алтыбақан ай астында түнде,
Қыз бен жігіт тербеледі бірге.

Қайырмасы:
Берекем-ай,
Мерекем-ай,
Сыйлаған салтанатын дарқан өмір-ай.
Жастарым-ай,
Достарым-ай,
Толқыған дариядай шалқар көңіл-ай.

Құда түсу, сырға салар тойы,
Тұсау кесу, тоқым қағар тойы.
Көкпар тарту, дода, салым, сайыс,
Атқа шабу, айтыс, жаяу жарыс.
Ет асылып, қайнап жатар шәйі,
Қойылады құрт пен женті, майы.
Жал мен жая, қымыз, қазы-қарта,
Тойшыл, әнші халық арқа-жарқа.

Қайырмасы:
Ағалар-ай,
Балалар-ай,
Той тойлап құтты болсын келгендерің-ай.
Аталар-ай,
Апалар-ай,
Ақ бата қабыл болсын бергендерің-ай!



Пікірлер (0)

Пікір қалдырыңыз

Піл мен кәнден

  • 0
  • 0

Пілді біреу алып жүрді көшеде,
Қарасын деп бар халық.
Белгілі ғой, бұл ғажапқа таңданып,
Еріп жүрді ашақ ауыз нешеме.

Толық

Елге сәлем

  • 0
  • 1

Ағайын, туған, армысың?
Қарттарым қыран, бармысың?
Қиядан көзді тартатын
Сендерсің құзар қарлы шың.

Толық

Маскүнем мысық

  • 0
  • 0

Ауылда болды біреу Оспан деген,
Оспанның жұмысы жоқ жоспарменен.
Ертеден кешке дейін етік тігіп,
Қызмет көрсетеді дотарға ерен.

Толық

Қарап көріңіз