Өлең, жыр, ақындар

Күн мен түн

  • 30.07.2019
  • 0
  • 0
  • 2354
Күн – күйім,
Күн – тынысым,
Күн – тірегім,
Күн – бақыт,
Күн – шабытым,
Күлкі-лебім.
Қосылып ұлы өмірдің дүбіріне,
Күн барда қуаттандым,
Дүркіредім.
Түн – түйін,
Түсінбеймін түн түнегін,
Кірпідей тікірейтіп түрпілерін,
Тыныстап жатқан тыныш тіршілікті
Жүргендей болады ылғи тінтіп өлім.
Тірлікте тыным таппай безілдеген,
Оңаша өзім қалып өзімменен,
Күндізгі көп сұмдықтар жанымды жеп,
Кездерім аз болған жоқ көз ілмеген.
Күдік пе?
Қауіп пе әлде?
Етек алып,
Қайдағы үрейлі үндер жете қалып,
Сәл ғана бостығыңды пайдаланып,
Тылсым күш құшағына кетеді алып.
Азап па?
Ауру ма әлде?
Арпалысып,
Талықсып,
Үміт нәрін тамсап ішіп,
Өң мен түс арасында жатамын бір,
Қызықты күндеріме аңсап ұшып.
Түрлі ойдың тұншықтырып алапаты,
Булығып барып-барып таң атады.
Жақтаушым, жаратушым – жарық тірлік
Бойдағы бар күдікті таратады.
Күн – күйім,
Күн – тынысым,
Күн – тірегім,
Күн – бақыт,
Күн – шабытым,
Күлкі-лебім.
Қосылып ұлы өмірдің дүбіріне,
Күнменен қуаттандым,
Дүркіредім!



Пікірлер (0)

Пікір қалдырыңыз

Туған күн

  • 0
  • 2

Туған күнім – бақ күнім,
Туған күнім – шат күнім.
Сыйлайды дос, құрбылар
Қызыл гүлін, ақ гүлін.

Толық

Көктем вальсі

  • 0
  • 0

Күмбірлеп таудың бөктері,
Өмірдің келді көктемі.
Оянып ерке бұлақтар,
Ойнақтап төмен беттеді.

Толық

Тыңдай білем

  • 0
  • 0

Тыңдай білем атамды,
Тыңдай білем апамды.
Сондықтан да атамнан
Алғыс алдым, бата алдым.

Толық

Қарап көріңіз