Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Кеңшілік Мырзабеков

Биылғы жыл бұралаң иір-қиыр

Бұл бетте «Биылғы жыл бұралаң иір-қиыр» атты Кеңшілік Мырзабеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

02.09.2020
0
0
965

Биылғы жыл бұралаң иір-қиыр,
Иір-қиыр, құйындай үйірді бір.
Қап-қара бұлт төбесінен түйілді бір
Қара дауыл қапталдан шүйілді бір.
Қап-қара бұлт бұршақпен, селмен ұрды,
Қара дауыл түйіліп желмен ұрды.
Тағдыр мені тезіне салды білем
Илеп-илеп жіберер «пенделерді».
Бұлт артында білдім мен шуақ барын,
Дауыл ғой деп дәмемді құлатпадым.
Сырғақтамай, сырғымай қарсы алғанмын
Тағдырымның сыбаға-сынақтарын.
Қарсы алмасқа жоқ та еді айла-шарғым,
Тағдырымнан қашқанда қайда асармын?
Биылғы жыл бұралаң иір-қиыр,
Өкіндірдің, өксіттің...Ойланармын.

Кеңшілік Мырзабеков жыл биылғы жыл бұралаң иір-қиыр Кеңшілік Мырзабеков өлеңдері

Пікірлер (0)

Пікір қалдырыңыз

Жиі қойылатын сұрақтар