Абдрахман Асылбек

Жаңа жауған қар іргесі тез іріп

Бұл бетте «Жаңа жауған қар іргесі тез іріп» атты Абдрахман Асылбек жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

30.07.2019
0
0
1391

Жаңа жауған қар іргесі тез іріп,
Былжырады табан асты езіліп.
Тап осындай ауа райы тұсында
Тұрады екен бір кемшілік сезіліп.
Қар жауған соң, қарға ұқсап жатпай ма?
Дүниені ақ көрпемен жаппай ма?
Табиғатқа таңғажайып өң беріп,
Айдын көлдер айна болып қатпай ма?
Әйнектерді әшкейлеп көп бейне,
Қолдарыңды аяз қарып өтпей ме?
Көктеменің қызғалдағы секілді
Қыз дидары алауланып кетпей ме?
Ал, мынау не?
Түсініксіз тұнжыр ғой,
Күн көзінен сәуле көрмей, қыжылды ой.
Болмысында не ол емес, бұл емес,
Кей адамдар тап осындай былжыр ғой.

Абдрахман Асылбек қар адам былжыр жаңа жауған қар іргесі тез іріп Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар