Өлең, жыр, ақындар

Өмірдің жолы бұралаң

  • 31.07.2019
  • 0
  • 0
  • 4111
Өмірдің жолы бұралаң,
Алдыңда арман – ұлы алаң.
Сүрініп талай құлағам,
Тығылып талай жылағам –
Өмірдің жолы бұралаң.
Өмірдің жолы қияқты,
Арманың асқар сияқты.
Қайрап ап қайрат, қуатты,
Тайдырмай тіреп тұяқты,
Шықпасам шыңға ұят-ты,
Өмірдің жолы қияқты.
Өмірдің жолы тар-ұшаң,
Мақсатым биік танысаң.
Біреулерменен алысам,
Бірулерменен табысам,
Бәйгіге түсіп жарысам,
Өмірдің жолы тар-ұшаң.
Өмірдің жолы шырғалаң,
Шарқ ұрып тынбай тырбанам.
Шетсіз де шексіз бұл ғалам –
Ашылмай жатқан сыр маған,
Жазылмай жатқан жыр маған –
Өмірдің жолы шырғалаң.



Пікірлер (0)

Пікір қалдырыңыз

Өрт

  • 0
  • 0

Мекемеде шағын бір
Бастық еді Балпаңбай.
Көп қинамай жанын құр,
Жүріп жаты талтаңдай.

Толық

Шәй

  • 0
  • 0

Отырдың, қалқам, керіліп,
Айрықша сұлу көрініп.
Толқындай түскен қолаң шаш
Иыққа әсем төгіліп.

Толық

Шықпасам көп күн ұзаққа

  • 0
  • 0

Шықпасам көп күн ұзаққа,
Пысады ішім, пысады.
Түсіріп бір кез тұзаққа,
Қысады ұйқы құшағы.

Толық

Қарап көріңіз