Абдрахман Асылбек

Жолдар, жолдар

Бұл бетте «Жолдар, жолдар» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

01.08.2019
0
0
3174

Жолдар, жолдар –
Ататұғын ашық таң,
Жүрегімде ыстық қанды тасытқан.
Жанған үміт қолын бұлғап қашықтан,
Жолаушылар жеткенінше асыққан.
Жолдар, жолдар –
Бұлдыраған бір бақыт,
Кейбіреулер жүр бақытын ұрлатып.
Сапар шегер белін буып, түн қатып.
Алда күткен арманына тіл қатып.
Жолдар, жолдар –
Таныстық пен махаббат,
Жемісі мол жайқатылған бақ абат.
Алыстатып әдеттерден жат, ағат,
Жақындатар жақсылықты шапағат.
Жолдар, жолдар –
Айтар болсақ дұрысын,
Жүрген сайын арта түсер ырысың.
Жол үстінде басталады ұлы сын,
Жолсыз өткен тіршілігің құрысын.

Абдрахман Асылбек жол жолдар Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар