Абдрахман Асылбек

Он жыл бұрын көргенде

Бұл бетте «Он жыл бұрын көргенде» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

04.08.2019
0
0
1078

Он жыл бұрын көргенде,
Ор киіктің лағы ең.
Пендең болып мен демде,
Құшағыңа құлап ем.
Жұпар шашқан гүлдей бір,
Хош иіспен қош алдық.
Әлі күнге білмеймін,
Болды менде босаңдық.
Құралайын ата алмай,
Қапы қалған аңшыдай,
Тәтті бір тіл қата алмай,
Тайып кеткен бар сыңай.
Жастық шақты жұлып ап,
Шыныдайын уатып,
Барады өтіп зымырап,
Мейірімсіз уақыт.
Құстай ұшып, қалқашым,
Келіп тұрмын қайтара.
Өкпең болса, тарқасын,
Құшағыңды аш айқара.

Абдрахман Асылбек он жыл бұрын көргенде Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар