Өлең, жыр, ақындар

Алтын адам

  • 02.08.2019
  • 0
  • 0
  • 3710
Баяғы замандардан Есік қорған –
Сақтарға атамекен бесік болған.
Асқарлы Алатаудың аясында
Бабалар өмір сүріп, өсіп-толған.
Бабалар өр мінезді асқақ келген,
Сақтардың батырларын қас Сақ деген.
Мінеки, содан бері қалыптасқан
Атауы халқымыздың Қазақ деген.

Қайырмасы:
Алтын адам, Алтын адам –
Нағыз батыр, қас Сақтар.
Алтын адам, Алтын адам –
Бүгінгі ел Қазақтар.
Алтын адам – ата-тегі,
Қазақ даңқы асқақтар.
Алтын адам – қас Сақтар,
Алтын адам – Қазақтар.

Сақтардың тұла бойы толған өнер,
Оюлап өрнектеуге болған шебер.
Алтынмен аптап киген киімдерін,
Сәулетті сала білген қорған нелер.

Айғағы соның бірі – Алтын адам,
Алтынмен тұла бойы жарқыраған.
Мыңдаған жылдар ұзақ жатса-дағы,
Тұлғасын шаң басып, от шарпымаған.

Қайырмасы.

Сақтар тек жайламаған Алатауды,
Жайлаған Алтай, Арал, Қаратауды.
Қазақтың бар жерінде көшіп-қонып,
Тамаша тіге білген ақ отауды.

Қайырмасы.



Пікірлер (0)

Пікір қалдырыңыз

Тыныс

  • 0
  • 0

Бір танысым шақырып, үй көрсетті,
Үй көрсетті – сияпат-сый көрсетті.
Кез келгеннің қолынан келе бермес,
Асып-тасқан айрықша күй көрсетті.

Толық

Жеңгейге жауап

  • 0
  • 0

Ауылға бұрын барып көрмеген,
Мыңғырған малды танып көрмеген
Жеңгеміз алғаш паңдана қарады,
Айналасына таңдана қарады.

Толық

Майлар

  • 0
  • 0

Крем, опа-далабың
Болатқа оның бәрібір.
Кез келгенін жағады,
Дей алмайсың «әрі жүр».

Толық

Қарап көріңіз