Өлең, жыр, ақындар

Талантсыз топтарға

  • 02.08.2019
  • 0
  • 0
  • 1515
Бірін-бірі қолдағандар,
Бірін-бірі қорғағандар,
Абыройлы, ар-намысты
Адал жанды қорламаңдар.
Бірін-бірі тірегендер,
Бірін-бірі шірегендер,
Азаматтың абайсызда
Сүрінгенін тілемеңдер.
Бірін-бірі мақтағандар,
Бірін-бірі жақтағандар,
Таланттыға тас лақтырып,
Адамдықтан аттамаңдар.
Бірін-бірі Күн дегендер,
Бірін-бірі шың дегендер,
Таныр болсаң таланттыны,
Тілдемеңдер, күндемеңдер.
Талант жолын мүк баспайды,
Ғасырларға тік бастайды.
Ей, талантсыз бейшаралар,
Күңкілдерің түкке аспайды.
Мұқағали өлген емес,
Мәңгілікке өлмек емес.
Хан Тәңірді көк тіреген,
Бұлт шалып көрген емес.



Пікірлер (0)

Пікір қалдырыңыз

Біреулердің қайғысын

  • 0
  • 0

Біреулердің қайғысын
Ұғынбайды біреулер.
Ашпайды бар жайды шын
Көңілдері жүдеулер.

Толық

Малшы Мардан

  • 0
  • 0

Ертеде,
Тым әріде
Шал мен кемпір болыпты.
Азын-аулақ малымен

Толық

Қабақты қату түйіп тым

  • 0
  • 0

Қабақты қату түйіп тым,
Отырдың шетте тұйық тым.
Әлде бір жаннан опық жеп,
Таттың ба уын күйіктің?

Толық