Менің шалқып жүруім сенің арқаң

Менің шалқып жүруім сенің арқаң,
Өмір бойы өзіңе сенім артам.
Сыңғырласа сырнайдай сиқырлы үнің,
Көтерілер көңілім, кеңіп арқам.
Менің шалқып жүруім сенің арқаң,
Өмір бойы өзіңе сенім артам.
Айдап салсаң, арынды арғымақпын,
Тоқтата алмас ешкім де керіп арқан.
Менің шалқып жүруім сенің арқаң,
Өмір бойы өзіңе сенім артам.
Өлең жазып жатамын шабыттанып,
Түсімде де өзіңді көріп әр таң.

---