Өлең, жыр, ақындар

Ақ қыз

  • 03.08.2019
  • 0
  • 0
  • 2066
Сенің мінсіз тәніңді
Болар еді не десем?
Әппақ қарға кәдімгі
Жетер ме еді, теңесем?
Қар дегенің немене?
Суық зат қой, жансыз ғой.
Қардан әппақ денеге
Ол теңеуім әлсіз ғой.
Сенің балғын тәніңді
Болар еді не десем?
Әппақ сүтке кәдімгі
Не етер еді теңесем?
Сүт дегенің немене?
Сұйық зат қой, жансыз ғой.
Сүттен әппақ денеге
Ол теңеуім әлсіз ғой.
Болар еді не десем?
Ақ мақтаға кәдімгі
Болар ма еді теңесем?
Мақта деген немене?
Жұмсақ,
Бірақ, жансыз ғой.
Мақтадан ақ денеге
Ол теңеуім әлсіз ғой.
Сенің мәрмәр тәніңді
Болар еді не десем?
Аққу құсқа кәдімгі
Болар ма еді теңесем?
Сенің жарқын жаныңды
Болар еді не десем?
Әппақ нұрға кәдімгі
Өтеледі теңесем.
Әппақ толқын шашыңнан
Жібек көрем төгілген.
Бір сипамай басыңнан,
Не табар ем өмірден?
Көздеріңді көгілдір –
Түпсіз терең көл дер ем.
Қанып ішпей сөлін бір,
Өмір бақи шөлдер ем.
Сенің сұлу тұлғаңды
Қайың дер ем бұралған.
Сендей ару бір жанды
Сүйіп өту – шын арман.



Пікірлер (0)

Пікір қалдырыңыз

Альбомға

  • 0
  • 0

Алдыңдағы альбомым –
Көзді тартпақ көктемім.
Жатыр сонда бар жолым,
Көрсең ашып беттерін.

Толық

Маған көп керек емес

  • 0
  • 0

Маған көп керек емес,
Өйткені, қарным шелек емес:
Көп болса, 200 грамм ет жеймін,
Одан артықты керек етпеймін.

Толық

Менің атым – Абдурахман

  • 0
  • 0

Бұл – кітаптан алынған әз есімім,
Алла берген ниетпен несібім.
Бұл ұғымның тарауы бар сан тарау.
Мүмкін емес бәрін бірдей қайталау.

Толық

Қарап көріңіз