Өлең, жыр, ақындар

Ести-ести ежелгі ескі үндерді

  • 02.05.2021
  • 0
  • 0
  • 588
Ести-ести ежелгі ескі үндерді,
Ұқсамайын дедім де
ешкімге енді.
Айһай деген,
Борандай бұрқырап бір,
Бөскім келді,
Менің де бөскім келді.
Ауыздыға айнала сөз де бермей,
Бескім келді менің де
Өзгелердей.
Аяқ ізі түспеген алысты аңсап
Құлан іздеп,
Құладүз кезген ердей.
Шешен жоқтай
Менімен теңдес тілге,
Қара сөзде жанға дес бермеспін де,
Дедім де бір
даралау кеткім келді,
Өткім келді ұқсамай енді ешкімге.
Сынамақ та ем біржола бағымды әрі,
Қазақта жоқ сез бірақ табылмады.
Тұмсығы тасқа тиген мекіредей,
Осы болды-ау тауымның шағылғаны.
Басылып бірте-бірте асылық сәт,
Өмірдің ақырын кеп нәшін ұқсақ,
Қашан да тұрады екен
Қазағыңның,
Біріне бас, біріне қасың ұқсап.
Көнді деп,
Қанша жүйрік сөз ырқына,
Кетсең де елден ерек тез ұмтыла,
Ұқсамау мүмкін емес екен тегі
Өмірде,
Өлеңде де өз ұлтыңа!



Пікірлер (0)

Пікір қалдырыңыз

Арман-қиял, не жең мені, не жеңдір

  • 0
  • 0

Арман-қиял, не жең мені, не жеңдір,
арғы бетте арбау барын сезем бір,
керуен біткен кері айналып лезде,
ақсақ түйе алға түскен кезең бұл.

Толық

Бойымдағы барша қуат, екпінмен

  • 0
  • 0

Бойымдағы барша қуат, екпінмен,
тыныш өмір сүре қойған жоқпын мен,
маңдайымды тауға тіреп, тасқа ұрып,
таңдайымды таң нұрына кептіргем.

Толық

Түнгі телефон

  • 0
  • 0

Іздеп тауып ақыры өзің мені,
түн ішінде телефон безілдеді.
Үнің баяу естіліп аржақтағы.
ашуың да, аптығың сезілмеді.

Толық

Қарап көріңіз

Басқа да жазбалар