Өлеңдер Бөлімі

Үш айлық оқу

Үш ай деген не ол, үш күндей
өте шығады...
Зато айлығың көбейеді.
Бір кісі

Бастапқыда...
Ұстаз едік сыни ой түрілмеген,
Қайдан шықты сындарлы ғылым деген?
«Естімеген елде көп» деген рас-ау,
Қай «атамыз» Бенжамин Блум деген?!

Бір ай өтті...
«Тұлпар бар ма тұяғы сүрінбеген?»,
Түрен салдық тың жерге жүрілмеген.
Жалынып бір ай бойы әркімге бір,
Сабылып сабақ өттік Блумменен.

Үш айдан соң...
Уақыт – сынап, өткені білінбеген,
Мұғалім жоқ баяғы дірілдеген.
Ұстаздар бар, «сен тұрсаң – мен айтайын»,
Ұстанымы өзгеріп күлімдеген!



Пікірлер (0)

Пікір қалдырыңыз

×