Өлең, жыр, ақындар

Сөгетінің сұлуы

  • 04.08.2019
  • 0
  • 0
  • 990
Сөгетіде бір қыз бар,
Қыз емес-ау, жұлдыз бар.
Ауылдың бар жігіті
Сол сұлуға ынтызар.
Айдай әппақ қабағы,
Жанған оттай жанары.
Кеудесінде керілген
Арман таудай анары.
Ауыл түгел мақтайды,
Бойынан мін таппайды.
Жігіт біткен жаутаңдап,
Тілдесуге батпайды.
Дауаламай жүрегі,
Төңіректеп жүреді.
Сол сұлудың керемет
Шешендігін біледі.
Жалын атқан Жұмахан,
Оны мен де ұнатам.
Сол сұлудың күлкісі –
Әр көңілге құба таң.
Айтып әсем ән талай,
Жүре тұрсын қалқам-ай.
Қызды ауылдың қызығы
Тұра тұрсын тарқамай.
Аялаған алақан,
Аяулы бір балақан.
Ұшпай қоймас бір күні
Ұядағы балапан.
Кетпей қоймас кетер қыз,
Сонда біздер не етерміз?
Аққудай сол аруды
Армандаумен өтерміз.



Пікірлер (0)

Пікір қалдырыңыз

Түлкі мен жүзім

  • 0
  • 0

Кірді аш Түлкі жүзімдіктің ішіне,
Тұрды жеміс алауланып, мөлдіреп.
Қу сұмпайы көзін сүзе төнді кеп,
Қандай тәтті, жақұттай-ау түсі де!

Толық

Он жыл бұрын көргенде

  • 0
  • 0

Он жыл бұрын көргенде,
Ор киіктің лағы ең.
Пендең болып мен демде,
Құшағыңа құлап ем.

Толық

Жазғы демалыста

  • 0
  • 0

Жаз келеді жайып құшақ
Каникулға аттандық.
Қандай қызық бақытты шақ
Талай істер атқардық.

Толық

Қарап көріңіз