Мен ерке лақ едім

Мен ерке лақ едім,
Анадан бір-ақ едім.
Еркетай мінезіммен
Бөбекке ұнап едім.
Мен мөлдір бұлақ едім,
Шатқалдан құлап едім.
Сырнайлы сырлы үніммен
Қыздарға ұнап едім.
Мен жасыл құрақ едім,
Жайқалып тұрар едім.
Жалынды жырларыммен
Жастарға ұнап едім.
Мен биік шынар едім,
Шыңдарға шығар едім.
Сапалы сөздеріммен
Қарттарға ұнап едім.
Мен жарық шырақ едім,
Өсектен жырақ едім.
Әрдайым әділдікпен
Әркімге ұнап едім.
Мен көпшіл ұлан едім,
Қажырлы қыран едім.
Көктейді көңілімде
Арманы ұлан елдің.

---