Өлең, жыр, ақындар

Асығамыз

  • 05.08.2019
  • 0
  • 0
  • 3867
Адам туса, көруге асығамыз,
Атқан таңмен гүл болып ашыламыз,
Шұғылалы шуақ боп шашыламыз,
Тау суындай тынымсыз тасынамыз,
Адам туса, көруге асығамыз.
Адам өссе, мақтауға асығамыз,
Дәрежесін дәріптеп, бас ұрамыз.
Жамандығын жабулап жасырамыз,
Жақсылығын арулап асырамыз,
Адам өссе, мақтауға асығамыз.
Адасса адам, даттауға асығамыз,
Ада қылып ақылды ашынамыз,
Қасиет пен қадірді қашырамыз,
Жақындамай қоямыз қасына біз,
Адасса адам, даттауға асығамыз.
Адам өлсе, көмуге асығамыз,
Келіп тұрып қабірдің басына біз,
Ол туралы ақтарып асыл аңыз,
Қара жерге ақ тәнін жасырамыз,
Адам өлсе, көмуге асығамыз.
Бұл тірлікте бәріне асығамыз,
Болашаққа бой созып, тасына біз,
Асуларға арман боп асыламыз,
Сөйтіп жүріп сөнбейтін басылады із.
Адам болып туған соң, асығамыз.



Пікірлер (0)

Пікір қалдырыңыз

Жазғы демалыста

  • 0
  • 0

Жаз келеді жайып құшақ
Каникулға аттандық.
Қандай қызық бақытты шақ
Талай істер атқардық.

Толық

Қос дипломды шенеунік

  • 0
  • 0

Қос дипломды бір бастық,
Қызметкерлеріне дүр бастық,
Бірінші сыныпта оқитын баласын
Дейтұғын «сен данасың».

Толық

Болат

  • 0
  • 0

Сынған қылыш жатты бір
Араласып темірге,
Біреу оны сатты бір
Шаруаға тегінге.

Толық

Қарап көріңіз