Өлеңдер Бөлімі

Біреулердің қайғысын

  • admin
  • 05.08.2019
  • 0
  • 0
  • 200
Біреулердің қайғысын
Ұғынбайды біреулер.
Ашпайды бар жайды шын
Көңілдері жүдеулер.
Әлдекімді күлді деп,
Шат екен деп түсінбе.
Не барын сен білдің бе
Ол байғұстың ішінде?
Күлсе күлген шығар ол
Мұңын серпіп тастауға.
Ұқсау үшін бір-ақ жол
Мөлдіреген бастауға.
Жаралған соң бұл адам
Жаны жұмсақ пенде боп,
Қасиеттен, күнәдан
Көрген емес кенде боп:
Қейде жасы сарқырар,
Төгіп өткен сел де боп.
Кейде жасы тартылар,
Кеуіп кеткен шөл де боп.
Кейде жаны шарқ ұрар,
Аласұрған жел де боп.
Кейде жаны жарқырар,
Айдын шалқар көл де боп.
Біреулерді біреуден
Бөліп қарау менде жоқ.
Тек жақсылық тілеумен
Малынамын терге көп.
Досқа ұсынсам қол ұшын –
Ол адамдық борышым.
Түсінбесем оны шын,
Кінәлама сол үшін.


Сыйлық пен бұйрық

  • 0
  • 0

Асыра орындап жоспарын,
Сыйлығын жуды Қошқарың.
Сіміріп қызыл, ағыңды,
Алдымен өзі қағынды:

Толық

Тамаша

  • 0
  • 0

Ей, халайық, халайық,
Тамаша әнге салайық.
Ашық аспан аясында,
Қанатты бірге қағайық.

Толық

Мен қалай мысалшы болдым?

  • 0
  • 0

Менің мысалшылығым
Он жасымнан басталған.
Қошеметтік қылығын
Көп көргенмін достардан.

Толық

Қарап көріңіз


Пікірлер (0)

Пікір қалдырыңыз

×