Өлең, жыр, ақындар

Мүсін

  • 05.08.2019
  • 0
  • 0
  • 1573
Қайда барсам – көз алдымда бір мүсін
Қиялыма қанат беріп жүр мүсін.
Жақсылықтың жаршысындай көремін
Сыңғыраған саф күмістей күлкісін.
Болмасам да асқан шебер суретші,
Жүрегіме салып келем түр-түсін.
Бірақ, оны мендей етіп басқа адам
Бояуының қыбын тауып ашпаған.
Қөңілінде күмбірлеген күйінің
Құпия-сыр пернесін дәл баспаған.
Жалын атып бір жалт еткен жанары
Тілсіз-мұңсыз тұңғиыққа тастаған.
Сапырылған сан мың адам ішінен
Табам оны тұлғасынан, түсінен.
Маған деген көңілінде көктем бар,
Жадыраған жаз боларын түсінем.
Сондықтан да сол бір сұлу мүсінді
Өмір бойы жүрегіме түсірем.



Пікірлер (0)

Пікір қалдырыңыз

Маскүнем мысық

  • 0
  • 0

Ауылда болды біреу Оспан деген,
Оспанның жұмысы жоқ жоспарменен.
Ертеден кешке дейін етік тігіп,
Қызмет көрсетеді дотарға ерен.

Толық

Туған жер

  • 0
  • 1

Туған жерім – бесігім,
Күн нұрына бөленген.
Қандай ыстық есімің?
Аңсап сені келем мен.

Толық

Қыран

  • 0
  • 0

Қыран – құстың төресі,
Қарашы бір анықтап.
Көкте ұшқанын көресің
Самолеттей қалықтап.

Толық

Қарап көріңіз